İranın Ədliyyə Orqanı Azərbaycanın Tehrandakı səfirliyinə hücum edən terrorçunun edam edilməsi ilə bağlı bütün zəruri hazırlıqların tamamlandığı haqda məlumat yayıb.
Ədliyyə Orqanının sözçüsü Əsgər Cahangir məhkəmənin qisas (edam) hökmünü icra etməyə hazır olduğunu açıqlayıb.
Açıqlamada diqqətçəkən məqam edam hökmünün indiyə qədər icra edilməməsinin səbəbi haqda deyilənlərdir.
Əsgər Cahangir bildirib ki, ölkədə təsdiq edilmiş və qüvvəyə minmiş qanuna əsasən hökmün icrası üçün valideynlər və ya onların vəkilləri qisas tələbi ilə bağlı Məhkəmə Sisteminə müraciət etməli və ya hökmün icrası günündə iştirak etməlidir.
“İndiyə kimi nə valideynlər, nə də onların vəkilləri hökmün icrası üçün bizə müraciət etməyiblər. Odur ki, Məhkəmə Sisteminin tam hazır olmasına və yuxarıda qeyd olunan hökmdə müşahidə olunan hüquqi prosesə baxmayaraq, bu hökm hələ də icra olunmayıb”, - o deyib.
Pezeşkianın səfəri zamanı Bakıda İran prezidentinin qarşısında qoyulacaq ilk məsələlərdən biri terrorçunun edam edilməsi hökmü olacaq və bu məsələ rəsmi Bakının Tehranla münasibətlərin gələcəyinə yanaşmasına təsir edəcək. Bunu anlayan Tehranın Pezeşkianın səfərindən bir gün öncə “hökmün icrasına tam hazırıq” açıqlaması Azərbaycanı sakitləşdirməyə və İran prezidentinin Bakıda cavab manevrini genişləndirməyə hesablanıb. Və hökmün icra edilməməsinin səbəbi kimi “öldürülən şəxsin (səfirliyin əməkdaşı) valideyni, yaxud vəkilinin İrana müraciət etməməsi” göstərilməklə yeni “bəhanə” irəli sürürlər.
İstisna deyil ki, Bakıda Pezeşkiana bu məsələ ilə bağlı Azərbaycan dövlətinin mövqeyi birbaşa təqdim ediləcək. Lakin hökmün icra edilməsi hələ də sual altındadır, çünki hücumun arxasındakı İran isteblişmenti bunda maraqlı deyil və məsələ Pezeşkianın səlahiyyətlərini aşır.
- Bu tibb müəssisələri Səhiyyə Nazirliyinin tabeliyinə verildi
- Qaradağlı faciəsi ilə bağlı sənədlər məhkəmədə tədqiq olundu
- Arutyunyan Şuşanın işğalı əməliyyatından danışdı: Guya...
- Balasanyandan Putinə: Kömək et, Qarabağa qayıdaq!
- Moskvada parad vaxtı Netanyahu və Ərdoğanın Bakıya gəlişi...
- Çin Pakistanı seçdi, Modi Rusiyadan imtina etdi - Nə olacaq?
- 44 günlük savaş: erməni generallar əsgərləri belə öldürüb - Video
- Nikolun Minsk qrupu gedişi: Məqsəd Bakıya təzyiqdir…