Avqustun 8-də Vaşinqtonda imzalanmış sənədlərdə Ermənistan Respublikasının suverenliyi, ərazi bütövlüyü və sərhədlərinin toxunulmazlığı nəzərdə tutulduğu üçün Ermənistan hökuməti Azərbaycanla sülh sazişi bağlanmamışdan əvvəl ATƏT-in Minsk Qrupunun buraxılmasına razılıq verib.
BUTA.TV xəbər verir ki, bu sözləri Ermənistan Baş naziri Nikol Paşinyan sentyabrın 10-da parlamentin iclasında müxalif “Ermənistan” blokundan olan deputat Aqnessa Xamoyanın sualını cavablandırarkən deyib.
Onun sözlərinə görə, Ermənistan hökumətinin sülh sazişinin paraflanmasından sonra ATƏT-in Minsk Qrupunun buraxılmasına razılıq verməsinin səbəbi məhz bu prinsiplərin təsbit edilməsidir:
“Bir sıra məsələlərin bizim üçün məqbul şəkildə həll olunacağını görəndə qərara gəldik ki, yaranmış fürsəti əldən verə bilmərik. Biz bu beş termini aldıq və sənədi imzaladıq”.
Paşinyan məhz bu səbəbdən sülh sazişinin imzalanmasından sonra Minsk Qrupunun buraxılmasına razı olacaqları haqda əvvəlki istəyindən geri çəkildiyini vurğulayıb. Həmçinin qeyd edib ki, MQ-nin fəaliyyətində faydalı heç nə yox idi.
- Prezident qurultay iştirakçılarına müraciət ünvanladı
- Gürcüstanın Zəngəzur dəhlizinə qarşı olmasının səbəbi...
- Abbas Abbasov Ramiz Mehdiyev işi ilə bağlı axtarışa verildi
- Ərdoğan Rüstəm Behrudinin şeirini oxudu - Video
- Mehdiyevdən sonra iki böyük vəzifəli şəxs həbs olunacaq
- Leyla Əliyeva Şamaxı sakinlərinin qonağı oldu - Video
- Gizir Xanıya şəhidlik statusu verildi
- Qafan–İrəvan yolunda Azərbaycan bayrağı - Video