Onlar konservatorların gücünün zəiflədilməsini hesab edirdilərsə, bunun əks effekt verəcəyini düşünürəm.
Bu sözləri BUTA.TV-a açıqlamasında siyasi ekspert Natiq Cəfərli Trampın qatı tərəfdarlarından olan ifrat sağçı fəal Çarli Kirkin qətli haqqında deyib.
Ekspertin fikrincə, Kirkin öldürülməsi ABŞ-ın daxili siyasətindəki vəziyyətin daha da gərginləşməsinə və liberallarla, yəni Demokratlar Partiyasının tərəfdarlarıyla konservatorların - respublikaçıların daha ciddi qarşıdurmasına səbəb olacaq:
“Çarli yeni konservatizmin ideoloqlarından biri idi. Güman ki, o, konservativ dünyagörüşün, yəni “əsl amerikan dünyagörüşü”nün simvoluna çevrilə bilər. Artıq respublikaçılar bununla bağlı addımlar atmağı da düşünürlər.
Mənə elə gəlir ki, Demokratlar Partiyasının tərəfdarları bu gün sevinirlərsə və bu hadisəni törədənlər liberal qruplara yaxın insanlardırsa, strateji səhv etdilər”.
Qeyd edək ki, Çarli Kirk sentyabrın 10-da Yuta Vadisi Universitetində (Utah Valley University) çıxışı zamanı boynundan aldığı güllə yarasından ölüb.
- Ərinin qətlini sifariş verən qadına ağır cəza - Foto
- Urmiya gölü ilə bağlı şad xəbər
- Marketlərdə bu məhsullar kəskin bahalaşdı
- Eynulla Fətullayev təsdiqlədi: “Ağabala”nı da satıb
- Qaz şəbəkəsinə qoşulma ilə bağlı məlumatlandırma tədbiri...
- “Azərlotereya” ilə möhtəşəm əyləncə geri qayıdır!
- Bakının İzmit parkında söküntünün məqsədi... - Rəsmi
- Bakıda 33 dərəcə isti olacaq