Bakıda adam öldürməyə cəhddə təqsirləndirilən Nurlan Zərbalıyevin cinayət işi üzrə məhkəmə prosesi yekunlaşıb.

BUTA.TV Oxu.az-a istinadən xəbər verir ki, Bakı Ağır Cinayətlər Məhkəməsinin hakimi Roman Ələkbərlinin sədrliyi ilə keçirilən sonuncu iclasda elan olunan hökmlə N.Zərbəliyev 15 il müddətinə azadlıqdan məhrum edilib.

Xatırladaq ki, ötən iclasda prokuror təqsirləndirilənin 16 il müddətinə azadlıqdan məhrum edilməsini istəmişdi.

Nurlan Zərbalıyev tanışı Qabil Təhmarovu qəsdən öldürməyə cəhddə ittiham olunub.

Ona qarşı Cinayət Məcəlləsinin 29,120.2.2-ci (xuliqanlıq niyyəti ilə adam öldürməyə cəhd), 221.3-cü (xuliqanlıq - silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması yaxud özgənin əmlakının məhv edilməsi və ya zədələnməsi ilə müşayiət olunduqda) və 228.4-cü (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə) maddələri ilə ittiham irəli sürülüb.

• Azərbaycanda bu tarixdə evlənənlərin sayı rekord vurdu
• Bakıda kişi dostunu öldürdü
• Bu nazirə yeni müşavir təyin edildi
• Qarabağ və Şərqi Zəngəzurda səyyar görüşlər keçirildi
• Şortikə görə gənci söyən şəxs üzr istədi - Video
• İki maşın toqquşdu: ölənlər var - Video
• Expressbank Mingəçevirdə təmizlik aksiyası keçirdi
• 1 meyit başı üçün 7650 manat ödənilir - Video