Məncə, artıq ölkədə neft hasilatının sabitləşdiyi reallığı ilə üz-üzəyik. Eyni zamanda 2020-2025-ci illər arasında qaz hasilatında çox sürətli artım müşahidə etdik. Düşünürəm ki, yaxın gələcəkdə qaz hasilatında da eyni tempdə artım görməyəcəyik.

BUTA.TV xəbər verir ki, bu sözləri energetika nazirinin müavini Elnur Soltanov “Texnovasiya - dayanıqlı iqtisadi transformasiya naminə elm və innovasiya” forumunda deyib.

“Bu baxımdan SOCAR-ın fəaliyyəti çox yaxşı nümunədir. Əvvəllər SOCAR sovet dövrünün standartlarına görə böyük uğurlar əldə etmişdi. Lakin maliyyə və texnologiya baxımından xarici tərəfdaşların dəstəyinə ehtiyac duyur və bunun müqabilində onlara yüksək ödənişlər edirdi.

Bu gün isə fərqli mənzərə görürük. SOCAR Azərbaycanda, Gürcüstanda, Türkiyədə və Avropa ölkələrində, o cümlədən İtaliyada dəyər zənciri üzrə daha yüksək mərhələlərə doğru irəliləyir.

SOCAR artıq yalnız neft və qaz hasil edib satmır. Şirkət getdikcə öz bilik və bacarıqlarını ixrac edən quruma çevrilir. Söhbət artıq təkcə enerji resurslarının deyil, peşəkar biliklərin və təcrübənin ixracından gedir”, - o vurğulayıb.

• Bakı metrosu yay qrafikinə keçir
• DSMF-nin xərcləri 3 milyard 440 milyon manat olub
• Putinin onu təbrik etməməsinə ironiya ilə cavab verdi
• Anar Bayramova yeni müavin təyin edildi
• TƏBİB-ə direktor müavini təyin olundu
• Laqunda ayağını doğradı, qan itirmədən öldü
• Azərbaycan Braziliya Ciu-citsu İctimai Birliyinin təşkilatçılığı ilə seminar keçirilib
• “Apreldə Bodruma turpaket aldıq, indi əlavə 330 manat istəyirlər”