Azərbaycanda dövlət qeydiyyatında olan daha bir siyasi partiya fəaliyyətinə son verib.
BUTA.TV Modern.az-a istinadən xəbər verir ki, Nizami Süleymanov tərəfindən yaradılan Müstəqil Azərbaycan Partiyası (MAP) fəaliyyətini dayandırıb.
1993-cü ildə qeydiyyata alınan siyasi partiya 1998-ci ildə keçirilən prezident seçkilərində iştirak edib. Belə ki, Müstəqil Azərbaycan Partiyasının seçici birliyi tərəfindən namizədliyi irəli sürülmüş N.Süleymanov 270 mindən çox seçicinin səsini qazanıb.
Qeyd edək ki, Nizami Süleymanov partiyanı yaratmamışdan əvvəl 1992-ci ilin prezident seçkilərində də namizəd olub, 33.8% (1 milyon çox seçici) səs toplayıb. Nizami Süleymanov 2016-cı ildə vəfat edib və bundan sonra partiyanın fəaliyyəti tamamilə dayanıb.
Partiyanın özünü buraxması barədə qərarı Nizami Süleymanovun oğlu imzalayıb.
Xatırladaq ki, Azərbaycanda fəaliyyətinə son verən siyasi partiyaların sayı 10-a çatıb. Bundan əvvəl Azərbaycan Vahid Kommunist Partiyası, Azərbaycan Sosial Demokrat Partiyası (ASDP), Azərbaycan Liberal Demokrat Partiyası (ALDP), Milli Vəhdət Partiyası (MVP), Azərbaycan Sosial Rifah Partiyası (ASRP), Azərbaycan Naminə Alyans Partiyası (ANAP), Azərbaycan Təkamül Partiyası, Birlik partiyası və Azərbaycan Azad Respublikaçılar Partiyası öz hüquqi fəaliyyətlərinə xitam vermək barədə qərar qəbul ediblər.
- Azərbaycan şirkətləri Monteneqroda 1 milyard dollar investisiya qoyub
- Kadırov elə bir dəhşətli döyüş kadrı yaydı ki... - Video
- Qarsayd: Vardanyanın Troika sxemlərindən xəbərsiz olması... - Video
- Suriya ordusunda Azərbaycan modeli tətbiq ediləcək
- Azərbaycanda hərbi xidmət müddəti azaldılacaq - Ekspert
- Rusiyada 3 azərbaycanlı barədə qərar verildi
- Böyük Britaniya Çingiz Əliyevə sanksiyalar tətbiq etdi
- Xəzər dənizi ilə bağlı növbəti mühüm iclas keçirildi