Kaxovka SES-in bəndinin dağılması dünya müharibələri tarixində su infrastrukturunun ən böyük dağıntılarından biridir və əsl fəlakətdir.
BUTA.TV xəbər verir ki, bu barədə amerikalı alim-hidroloq Piter Qleyk deyib.
Alim hələ mart ayında sözügedən SES-in məhv edilməsi və qəfil su itkisi halında Zaporojye AES-in bloklarının soyudulmasında ciddi problemlərin yaşanacağına, 2011-ci ildə Fukusimadakına bənzər qəzanın baş verə biləcəyinə diqqət çəkmişdi.
Qleyk bildirir ki, SES-də baş verən hazırki qəza özü ilə humanitar və ekoloji problemlər gətirəcək:
“Bu, son illərdə görünməmiş fəlakətdir. Bu dağıntının humanitar və ekoloji nəticələri çox böyükdür. Əminəm ki, siyasi əhəmiyyəti də fövqəladə olacaq. Bu, Avropanın və dünyanın ən böyük bəndlərindən biri olan nəhəng bənddir. Onun tərkibində 18 kub kilometr su var idi və bu, Kaliforniyadakı ən böyük su anbarından demək olar ki, dörd dəfə çoxdur", - tədqiqatçı qeyd edib.
Qeyd edək ki, ötən gün ruslar Kaxovka SES-in bəndini partladıblar.
Bu, Avropada son illərin ən böyük texnogen fəlakəti sayılır.
- Uçuşlar gecikir: Ermənistanda nə baş verir?
- Ukrayna Rusiyanın Krımdakı hərbi bazasını vurdu
- Nazir Rus Evi ilə bağlı iddialara son qoydu
- Rusiya ilə münasibətlərdə ümumi gərginlik... - Bayramov
- Azərbaycan, Qazaxıstan, Rusiya və ICAO-nun birgə rəyi: təyyarə vurulub
- Prezident AMİP sədrinin oğluna vəzifə verdi
- Prezidentin təltif etdiyi alpinist qadın danışdı
- Putin AZAL-ın təyyarəsi ilə bağlı öhdəlikləri niyə icra etmir?