İstanbul Böyükşəhər Bələdiyyəsinin başqanı Əkrəm İmamoğlu CHP sədrliyinə namizəd olub-olmayacağı sualına cavabdan yayınıb.

BUTA.TV xəbər verir ki, o, “böyük dəyişiklik” fikrində qərarlı olduğunu bildirib.

“Mənim namizəd olduğum tək bir şey var: ölkəmizdə, eynilə İstanbulda olduğu kimi, böyük bir dəyişiklik”, - İmamoğlu deyib.

CHP sədri Kamal Kılıçdaroğlunun Əkrəm İmamoğlunun qurultayda partiya sədrliyinə namizəd ola biləcəyi haqda mediaya açıqlaması istiqamətində sualı isə bələdiyyə sədri belə cavablandırıb:

“Ekranlar və televiziyalar üzərindən, başda partiyamın sədri olmaqla, ayrı-arı fərdlərə mesaj göndərməyi yanlış hesab edirəm. Buralardan mesaj göndərməkdənsə, üz-üzə müzakirənin daha doğru və tutarlı olacağını düşünürəm”.

Qeyd edək ki, CHP sədri Kamal Kılıçdaroğlu qurultayda Əkrəm İmamoğlunun partiya sədrliyinə namizədliyinə qarşı olmadığını, ancaq İstanbul Böyükşəhər Bələdiyyəsi sədrliyini digər partiyaya verməyi də doğru saymadığını açıqlamışdı.

• Putin sülh sənədini qəbul edəcək: bəs, sülhü?
• Ölkədən qaçan Axundovun şirkəti kapitalını yarıya endirdi
• Uçuşlar gecikir: Ermənistanda nə baş verir?
• Ukrayna Rusiyanın Krımdakı hərbi bazasını vurdu
• Nazir Rus Evi ilə bağlı iddialara son qoydu
• Rusiya ilə münasibətlərdə ümumi gərginlik... - Bayramov
• Azərbaycan, Qazaxıstan, Rusiya və ICAO-nun birgə rəyi: təyyarə vurulub
• Prezident AMİP sədrinin oğluna vəzifə verdi