Ermənistan Baş naziri Nikol Paşinyan bir daha Azərbaycanın ərazi bütövlüyü və suverenliyini şübhə altına alan açıqlama ilə çıxış edib.
BUTA.TV xəbər verir ki, o, Tvitter hesabında bunları yazıb:
“Dünya ictimaiyyəti Dağlıq Qarabağın Sarayevo tipli mühasirəsinə son qoymaq üçün cəsarətli addımlar atmalıdır. Cənubi Qafqazda davamlı sülh mümkündür, ancaq yalnız sivil dünyanın aktiv dəstəyi ilə”.
Qeyd edək ki, Ermənistan Baş naziri Paşinyanın “Le Monde”yə müsahibəsində Qarabağ və anklavlar da daxil olmaqla, Azərbaycanın ərazi bütövlüyünü tanımasına zidd bəyanatlar səsləndirməsinə Azərbaycan XİN cavab vermişdi. Buna baxmayaraq, Nikol Paşinyan yenə eyni təbliğat və ziddiyyətli bəyanatları davam etdirir.
“Dağlıq Qarabağ” adlı Azərbaycanda inzibati ərazi vahidi yoxdur, Qarabağın bir hissəsində yaşayan erməni icması isə blokadada deyil, onlar Azərbaycanın Ağdamdan istənilən məhsulu tədarük etmək təklifini rədd edərək, Ermənistandan tədarük tələb edirlər. Bu isə iqtisadi tələb deyil, Azərbaycanın ərazi bütövlüyünə qəsd cəhdi, işğal siyasətini davam etdirmək üçün Ermənistanın oynadığı ikili oyundur.
- Ermənilərin Qarabağa qayıdışı... - Vardanyan
- Rusiyadan təyyarəmizlə bağlı yeni açıqlama: Hər şeyi edəcəyik
- Vətən müharibəsində xalq buna şahid oldu - Deputat
- İlham Əliyev göstəriş verdi: Ləğv ediləcək
- Bakı Moskvanın qarşısını belə alır, İrəvan isə...
- Zakir Həsənov şəxsi heyəti təbrik etdi
- Mehriban Əliyevadan bayramlarla bağlı paylaşım
- Dünya Azərbaycanlılarının Həmrəyliyi Günüdür