Rusiyalı qapıçı Andrey Lunyov "Qarabağ"dan ayrılmasının səbəblərini açıqlayıb.
BUTA.TV Azerisport-a istinadən xəbər verir ki, o, əmək müqaviləsi başa çatdıqdan sonra komandadan ayrılıb.
"Bu qərarı klubla birlikdə verdik. Bu, birgə qərar idi. Qurban Qurbanovla danışdım. Bir-birimizi eşitdik və bu nöqtəyə gəldik. Klub mənə güzəştə getdi. Ailə şəraiti həlledici amil oldu. Mənim məşqçiyə dediyim prioritet məqam da bu idi. Ayrıldığımız üçün peşmanlıq da var. Burada yaxşı vaxt keçirdim, klubda işləyən insanlarla əla münasibətlərim var idi. Burada hamı böyük bir ailə kimi idi. Getmək həmişə çətindir", - deyə Lunyov bildirib.
Xatırladaq ki, ötən mövsüm Lunyov "Qarabağ"ın heyətində 34 oyun keçirib, 10 matçda qapısını toxunulmaz saxlayıb. Qapıçı 2023-cü ilin avqustunda azad agent kimi "Bayer"dən "Qarabağ"a keçib. Transfermarkt qapıçının bazar dəyərini bir milyon avro qiymətləndirir. 32 yaşlı Lunyov "Qarabağ"la Azərbaycan Kubokunu qazanıb, həm də ölkə çempionatında qalib gəlib.
- Səfirimiz Lavrovun müavini ilə görüşdü: AZAL qəzası...
- Putinin iqamətgahına hücum olub? Trampı kim aldadır?
- Azərbaycan Tayvanın müstəqilliyini tanımır - XİN
- Mehdiyev Əli Kərimli və Abbas Abbasovla bağlı sualları cavabladı
- Azərbaycan xalqı zəngin dövlətçilik tarixinə malikdir
- İlham Əliyevdən Ağ Şəhərlə bağlı paylaşım - Video
- Qarabağ erməniləri ilə bağlı qərar dəyişdi
- Monteneqro ilə vizasız rejim ləğv edilir? - Rəsmi Bakıdan cavab