Türkiyə Böyük Millət Məclisinin iclasından sonra jurnalistlərin suallarını cavablandıran Prezident Rəcəb Tayyib Ərdoğanın diqqətini qadın müxbirlərdən birinin dırnaq boyası çəkib.

BUTA.TV Oxu.az-a istinadən xəbər verir ki, Rüya Akkuş adlı jurnalist izdihamın arasından mikrofonu Ərdoğana uzadıb və "Qısa bir sualımız var" deyib.

Müxbirin müxtəlif rənglərdə olan dırnaq boyaları Ərdoğanı təəccübləndirib:

"Bu dırnaq boyaları nədir? Dırnaq boyalarının modeli qəribədir... Mən nə edəcəyəm indi, yuxudayammı?"

Ərdoğan daha sonra Ədalət və İnkişaf Partiyasının sözçüsü Ömer Çelikə doğru üzünü çevirib:

"Partiya sözçüsü olaraq qiymətləndirmənizi eşidək".

"Xanımlara hər şey yaraşır", - deyə Ömər Çelik gülümsəyərək cavab verib.

Qadın müxbir də məsələ ilə bağlı fikrini bildirib:

"Əfəndim, yaya hazırlıqdır".

Bu dialoq gülüşə səbəb olub. Daha sonra Rüya Akkuş Ərdoğana suallarını ünvanlayıb.

• Konqresin saytında Azərbaycanla bağlı qanun layihəsi yerləşdirildi
• Rəsmi Bakı Yəmənlə bağlı mövqeyini açıqladı
• Türkiyə Ermənistanla sərhədi qismən açır
• Putin sülh sənədini qəbul edəcək: bəs, sülhü?
• Ölkədən qaçan Axundovun şirkəti kapitalını yarıya endirdi
• Uçuşlar gecikir: Ermənistanda nə baş verir?
• Ukrayna Rusiyanın Krımdakı hərbi bazasını vurdu
• Nazir Rus Evi ilə bağlı iddialara son qoydu