Almaniyada keçirilən AVRO-2024 çərçivəsində Türkiyə millisinin oyunçusu Merih Demirelin Avstriya ilə oyunda qələbə sevinci gündəm olub.
BUTA.TV Globalinfo.az-a istinadla xəbər verir ki, 2-1 Türkiyənin qələbəsi ilə başa çatan oyunda hər iki qolun müəllifi olan M.Demirel oyunun sonunda meydançada “Bozqurd” işarəsi göstərib.
Futbolçunun bu addımı böyük maraqla qarşılanıb. Həmin anın görüntüləri sosial şəbəkələrin Türkiyə və xarici seqmentində sürətlə yayılır.
Futbolçu oyun sonrası müsahibəsində jurnalistin sualına cavabında, “İlk olaraq deyim ki, türk olmağımla qürur duyuram”, - sözləri ilə başlayıb.
Milli komandanın digər üzvü Samet Akaydının da qələbə paylaşımı diqqət çəkib. Futbolçu X hesabında “Dar gəlmişdi Ergenekon Türklərə, nərəmiz yüksəlirdi göylərə”, - yazıb.
Maraqlıdır ki, 2019-cu ildə Avstriya hökuməti “radikallıq və siyasi İslam”la mübarizə başlığı altında “Bozqurd” simvolu daxil fərqli qruplara aid bir neçə simvolun istifadəsini qadağan edib. Bununla bağlı ölkədə “Simvol qaydası” qəbul olunub.
Qeyd edək ki, Merih Demirel Avstriya-Türkiyə qarşılaşmasının ən yaxşı futbolçusu seçilib.
- Konqresin saytında Azərbaycanla bağlı qanun layihəsi yerləşdirildi
- Rəsmi Bakı Yəmənlə bağlı mövqeyini açıqladı
- Türkiyə Ermənistanla sərhədi qismən açır
- Putin sülh sənədini qəbul edəcək: bəs, sülhü?
- Ölkədən qaçan Axundovun şirkəti kapitalını yarıya endirdi
- Uçuşlar gecikir: Ermənistanda nə baş verir?
- Ukrayna Rusiyanın Krımdakı hərbi bazasını vurdu
- Nazir Rus Evi ilə bağlı iddialara son qoydu