Türkiyə millisinin və "Qalatasaray" klubunun sabiq baş məşqçisi Fateh Terim Almaniyada təşkil olunan Avropa çempionatının 1/4 finalında Niderlanda uduzan Türkiyə millisi ilə bağlı danışıb.
BUTA.TV-ın Musavat.com-a istinadən xəbərinə görə, Terim bildirib ki, bu, turnirdə qalib gəlmək üçün ən asan qarşılaşma idi.
"Təəssüf ki, ikinci hissənin əvvəlində çox geri çəkildik və arxayınlaşdıq. Pas verməyi unutduq. Belə olan halda Hollandiyanın təzyiqindən qurtula bilməzsiniz. Təəssüf ki, ağır ötürmələrlə oynayan Hollandiya qarşısında düzgün taktika sərgiləmədik. Bu, turnirdə qalib gəlmək şansı baxımından ən asan matç idi", - deyə keçmiş baş məşqçi qeyd edib.
Onun sözlərinə görə, sadəcə müdafiə mövqeyi ilə qalib gəlmək mümkün deyil:
"Qalib gəlsən belə, uğur qazana bilməzsən. Halbuki komandamızın çox vacib ofansif (hücum) gücü var... Türkiyə təkcə yarımfinalı yox, finalı da əldən verdi. Mərhələni keçsəydik, İngiltərənin bizə qarşı çox şansı olacağını düşünmürəm".
Qeyd edək ki, 1/4 finalda Türkiyə yığması Niderlanda 1:2 hesabı ilə məğlub olaraq mübarizəni dayandırıb.
- Konqresin saytında Azərbaycanla bağlı qanun layihəsi yerləşdirildi
- Rəsmi Bakı Yəmənlə bağlı mövqeyini açıqladı
- Türkiyə Ermənistanla sərhədi qismən açır
- Putin sülh sənədini qəbul edəcək: bəs, sülhü?
- Ölkədən qaçan Axundovun şirkəti kapitalını yarıya endirdi
- Uçuşlar gecikir: Ermənistanda nə baş verir?
- Ukrayna Rusiyanın Krımdakı hərbi bazasını vurdu
- Nazir Rus Evi ilə bağlı iddialara son qoydu