Qərb siyasətçilərinin Ukrayna ordusunun Rusiya ərazisində, Kursk vilayətində əməliyyatına reaksiya verərkən artıq “qırmızı xətlər”dən danışmaması sağlam düşüncənin qələbəsi kimi qiymətləndirilə bilər.
BUTA.TV xəbər verir ki, bu sözləri Litvanın müdafiə naziri Laurinas Kasciunas deyib.
"Nə yaxşı ki, Ukrayna şimalda bu əməliyyata başlayanda Qərbdən “qırmızı xətləri” keçmək barədə heç nə eşitmədik. Ukraynanın müdafiə strategiyasının bir hissəsi kimi bu cür əməliyyatları keçirə biləcəyi açıq şəkildə ifadə edildi. Bu yaxşıdır, bu yaxşı xəbərdir və sağlam düşüncənin qələbəsidir. İndi Ukraynanın Qərb müttəfiqləri növbəti məntiqli addımlar atmalı və birincisi, Ukraynaya kifayət qədər uzaqmənzilli silahlar göndərməli, ikincisi, onların Rusiya ərazisinin dərinliklərindəki hədəflərə qarşı istifadəsinə icazə verməlidir", - o bildirib.
Litvalı nazirin sözlərinə görə, Kursk vilayətində keçirilən əməliyyat həm də Rusiya Prezidenti Vladimir Putinin aşağılanmasıdır.
O qeyd edib ki, Ukrayna ordusu üçün uzun müddət Kursk vilayətində ərazi saxlamaq çətin olacaq:
"Lakin eyni zamanda, əməliyyatın nəticələri danışıqlarda Ukraynanın mövqeyini gücləndirəcək".
- Putin AZAL-ın təyyarəsi ilə bağlı öhdəlikləri niyə icra etmir?
- Bakı və Moskvadan Kadırova qadağa: Tədbirə buraxılmadı
- Paşinyan Əliyevə niyə daim təşəkkür etdiyini açıqladı
- Etiraf etməliyik ki, bu prosesə gecikmişik - Aynur Camalqızı
- AZAL təyyarəsinin qəzası: Rusiya bu ölkəni “hədəf” edir...
- Azərbaycandan alırıq, qalır satmaq...
- ABŞ ilk dəfə açıqladı: Bakı və İrəvan arasında dəhşətli müharibə...
- Yeni sülh planı: Kiyev nə qazanır və nələr itirir?