Qazaxıstan Baş nazirinin müavini Kanat Bozumbayev bu gün açıqlayıb ki, Kremldən idarə olunan bəzi media resurlarında bir neçə gün öncə dərc olunan stenoqramlar AZAL-ın “qara qutuları”nın materiallarından fərqlənir, hətta onların arasında böyük fərq var.
BUTA.TV xəbər verir ki, bu sözləri ReAL sədri Natiq Cəfərli qeyd edib.
O bildirib ki, bu, Rusiyanın basqılarına baxmayaraq, Qazaxıstanın həqiqəti gizlətməyəcəyi deməkdir:
“Kremlə bağlı “Baza” resursunun yaydığı stenoqramlar manipulyasiya cəhdi idi - alınmadı, alınmayacaq”.
Qeyd edək ki, “Baza” Teleqram kanalı və ona istinadla bir çox rusdilli media Bakı-Qroznı reysini yerinə yetirən və 25 dekabrda Aktau yaxınlığında qəzaya uğrayan təyyarəmizin pilotları ilə Qroznı, Mahaçqala və Aktau dispetçerlərinin danışıqlarını əks etdirdiyi iddiası ilə “stenoqram” yaymışdı. Stenoqramda Qroznı və Mahaçqaladakı dispetçerlərin guya AZAL təyyarəsinə eniş üçün icazə verdikləri “əks olunmuşdu”.
Xatırladaq ki, 25 dekabrda Bakı-Qroznı reysini həyata keçirən AZAL təyyarəsi Qroznı səmasında “Pantsir”in hücumuna məruz qalıb və ciddi zədələnib. Enişinə icazə verilmədiyindən Qazaxıstana istiqamət alan təyyarə Aktau yaxınlığında zədələnməsi səbəbindən qəzaya uğrayıb. Təyyarədə olan 67 sərnişindən 38-i ölüb, 29 nəfər sağ qalıb.
- Paşinyandan Qarabağla bağlı üç etiraf...
- İrəvanı Moskva asılılığından Bakı xilas edəcək - Sekuta
- Azərbaycan və Suriya arasında görüş: Təhlükəsizlik...
- Müharibə vaxtı Azərbaycanın İsrailə yardım etməsi... - İran
- Bakı, Daşkənd və Aşqabad birgə bəyanat qəbul etdi
- Zəngəzur dəhlizindən nə qədər gəlir əldə olunacaq? - Uraloğlu
- Simonyan Bakı ilə razılaşmadan danışdı: İndi daha çox dərk edirik
- Matviyenko Mehriban Əliyevanı təbrik etdi