Böyük Britaniyanın Nottinqem şəhərində Deyv Sinqleton adlı kişinin kliniki ölüm zamanı gördükləri maraq doğurub.

BUTA.TV  xəbər verir ki, bu barədə o, “Deyli Mirror”a danışıb. Sinqleton bildirib ki, ürəyi 8 dəqiqəlik dayanıb və bu müddət ərzində axirət dünyasına gedib:

“Gözəl bir bağda gün işığı altında oturmuşdum. Arxamdakı hündür çəpərin o tərəfindən səslər, gülüşlər eşidirdim. Ailəmin və dostlarımın orada olduğunu bilirdim. Onlara qoşulmaq üçün sadəcə çəpərin o tayına keçmək lazım idi. Lakin mən olduğum yerdə qaldım, çünki çox rahat idim. Uzaqda tarlaların arasında görünən təpələrin mənzərəsi möhtəşəm idi. Mən çox sakit, dinc və gözəl bir yerdə idim. Xoşbəxt və məmnun idim”.

Sinqleton 8 dəqiqə sonra həkimlərin onu həyata qaytardığını, həmin gözəl yerdən ayrıldığını bildirib:

“Düzünü desəm, bura çox narahat və səs-küylü olduğu üçün geri qayıtmaq istəmirdim”.

Bu hadisədən sonra Sinqleton kardiostimulyatorla təchiz edilib və həyatına bu cihazla davam edir.

• Bu, qardaş özbək xalqından çox böyük hədiyyədir - Prezident
• Liderlər akvariumdakı balıqları seyr etdi - Video
• 1276-cı gün: Rusiyanın itkiləri yeniləndi
• Bu yol Zəngəzur dəhlizinin açarı olacaq - Uraloğlu
• Zəngəzurla bağlı mühüm layihəsinin təməli atıldı
• Azərbaycan və Rusiya rəsmiləri bu şəhərdə görüşəcək
• Putin Mehriban Əliyevanı təbrik etdi
• “Gedişhaqqını 1 manat etmək olar” - Azərbaycanda nəqliyyat xərci niyə yüksəkdir?