“Dağlıq Qarabağ”ın ləğvi haqqında fərmanın dərcindən sonra bu məsələ Ermənistan və Azərbaycan arasında dövlətlərarası münasibətlərin normallaşdırılması gündəliyindən çıxarıldı.
BUTA.TV xəbər verir ki, bu barədə Ermənistan XİN “Azadlıq” radiosunun erməni xidmətinin sualına cavab olaraq bildirib.
“Biz keçmişdə dəfələrlə bəyan etmişik ki, Azərbaycanla apardığımız danışıqlarda Ermənistan Dağlıq Qarabağ ermənilərinin təhlükəsizliyini və hüquqlarını təmin etməyə çalışır, o cümlədən bu məsələlərin həlli üçün beynəlxalq mexanizmin yaradılmasına cəhd edir.
Dağlıq Qarabağ ermənilərinin “məcburi köçürülməsi” (ermənilər könüllü olaraq, Azərbaycan vətəndaşlığını qəbul etmədikləri üçün köçüblər və bunu təsdiqləyən video, foto və sübutlar var – red.) və Dağlıq Qarabağın ləğvi haqqında fərman dərc edildikdən sonra bu məsələ Ermənistan Respublikası ilə Azərbaycan Respublikası arasında dövlətlərarası münasibətlərin tənzimlənməsi gündəliyindən çıxarılıb”, - deyə nazirlikdən vurğulanıb.
Qeyd edək ki, Prezident İlham Əliyev Almaniya Prezidenti Ştaynmayerlə Bakıda mətbuat konfransında Ermənistanın bu məsələni sülh sazişinə salmağa çalışdığını, yalnız antiterror əməliyyatından sonra bu absurd iddiasından əl çəkdiyini bildirmişdi.
- İsrail Ərdəbili “vurdu”, İran kanalları isə Bakını... - Video
- Təbrizdə SEPAH-ın raket bazası məhv edildi - Video
- ABŞ İrana qarşı savaşa qoşula bilərmi? - Ekspert
- İrana açıq dəstək verən bir ölkə var: ancaq arxasında duran...
- Tehrandan Bakıya uzanan Kamangir oxu: Cəmi 2 gün öncə...
- Ermənistan buna hörmətlə yanaşmalıdır - Prezident
- Solovyov Azərbaycanla bağlı yenə sərsəmlədi
- İsrail-İran münaqişəsi: Əliyevin bu çıxışı gündəm oldu - Video