Bu gün Ermənistanda Rusiya ilə bağlı iki fikir hakimdir.

BUTA.TV Globalinfo.az-a istinadla xəbər verir ki, bunu erməni jurnalist Tatul Akopyan qeyd edib.

“Birincisi, Rusiya artıq Cənubi Qafqazdan əlini çəkib və bir daha qayıtmayacaq, ya da qayıtmağa qadir deyil.

İkincisi, 2020-ci il, 9 noyabra dönmək üçün hər şeyi etməliyik. Daha doğrusu, “Zəngəzur dəhlizini ABŞ Prezidenti Donald Trampdan alıb Moskvaya verməliyik”. Amma regionumuzda Rusiyanın aktivliyinin azalması ilə bağlı xəbərlər şişirdilib və reallığa uyğun deyil.

Cənubi Qafqazda (Abxaziya, Cənubi Osetiya və Ermənistan) hələ də rus qoşunları mövcuddur. 100 il əvvəl də Çar Rusiyasının regiondan çəkilməsi istiqamətində eyni düşüncə var idi. Bir neçə ay sonra onlar “bolşevik” adı ilə döndü və Cənubi Qafqazı “uddu”, – T.Akopyan vurğulayıb.

Jurnalist bildirib ki, hazırda bəzi gizli rusiyayönlü qüvvələr Vaşinqtonun ilkin razılaşmalarını pozmaq üçün çalışırlar:

“Onlar Rusiya Prezidenti Vladimir Putin, Azərbaycan Prezidenti İlham Əliyevin və Ermənistan Baş naziri Nikol Paşinyanın imzaladığı bəyanatı “təslim aktı” adlandırırdılar.

Ən azı iki şeyi xatırlamaq lazımdır:

Birincisi, Tramp–Əliyev–Paşinyan razılaşmaları iflasa uğrayarsa, bu daha pis nəticələnəcək;

İkincisi, Vaşinqton razılaşmalarının yarımçıq qalması (Zəngəzurda) yeni müharibənin qapısını açacaq”, - o qeyd edib.

• Anara müraciət edən güneyli yazarların sayı 198-ə qalxdı
• İlham Əliyev və Pelleqrini Devin qəsrində
• İlham Əliyev Azadlıq Qapısı abidəsini ziyarət etdi - Foto
• Heydər Əliyev Fondu ilə İSESKO arasında saziş imzalandı
• Bunu diqqətdən kənarda qoymamalıyıq, çünki... - Prezident
• Sahibə Qafarova Arakçı ilə görüşdü
• Azərbaycanda bu ərazidə sürüşmə aktivləşdi: təhlükə...
• Bu icra məmurları ilə bağlı mühüm qərar verildi