Məşhur Hollivud aktyoru Arnold Şvartsenegger atasının nasist olduğunu və Leninqradın blokadasında iştirak etdiyini etiraf edib.

Kult.az xəbər verir ki, bu barədə aktyor "Netfliks"in yeni "Arnold" sənədli filmində bildirib.

75 yaşlı Şvartsenegger Avstriyanın kiçik Tal kəndində qardaşı Meinhardla birlikdə böyüdüyünü söyləyib:

“Bizim tərbiyəmiz çox çətin olub. Evdə çox zorakılıq olub. Valideynlərimiz bizi döyürdülər”.

Arnold anası Ana Aureliyanın "təmizlik fanatiki" olduğunu, atası Qustavın da II Dünya müharibəsi zamanı nasist funksioneri olduğunu bildirib. Vermaxtda xidmət edib və Leninqrad yaxınlığındakı cəbhədə yaralanıb:

"Digər nasist əsgərləri kimi o da müharibədən sınıq-salxaq qayıdıb. Ola bilsin ki, o, travma sonrası stress pozğunluğundan və depressiyadan əziyyət çəkirdi".

Onun sözlərinə görə, ata uşaqları kəmərlə döyür və tez-tez açıq şəkildə şizofrenik davranış nümayiş etdirirdi.
Uşaqlıqda qardaşlar evə kimin qayıdacağını bilmirdilər: “yaxşı ata”, yoxsa “sərxoş ata”.

• Putin sülh sənədini qəbul edəcək: bəs, sülhü?
• Ölkədən qaçan Axundovun şirkəti kapitalını yarıya endirdi
• Uçuşlar gecikir: Ermənistanda nə baş verir?
• Ukrayna Rusiyanın Krımdakı hərbi bazasını vurdu
• Nazir Rus Evi ilə bağlı iddialara son qoydu
• Rusiya ilə münasibətlərdə ümumi gərginlik... - Bayramov
• Azərbaycan, Qazaxıstan, Rusiya və ICAO-nun birgə rəyi: təyyarə vurulub
• Prezident AMİP sədrinin oğluna vəzifə verdi