Amerika İran ilə anlaşma və ya “kiçik razılaşma” əldə edir. Bu razılaşmaya əsasən, bloklanmış vəsaitlərinin sərbəst buraxılması müqabilində İran uranı 60%-dən yuxarı zənginləşdirməyəcək, Vaşinqton-İran arasında məhbus mübadiləsi aparılacaq.
BUTA.TV xəbər verir ki, bu sözləri İsrailin Baş naziri Benyamin Netanyahu Knessetin Müdafiə Komitəsinin iclasında deyib.
O, ABŞ-İran danışıqlarının İsraili dayandırmayacağını bildirib:
“İran rejimi ilə heç bir razılaşma İsraili dayandırmayacaq. İsrail özünü müdafiə etmək üçün hər şeyi etməyə davam edəcək. İsrailə qarşı olan təhlükələrin 90 faizdən çoxu İran və onun proksi qüvvələri tərəflərindəndir”, - baş nazir bildirib.
Amerika rəsmiləri isə İran ilə ABŞ arasında danışıqları inkar edir.
“Haaretz” qəzetinin iki yüksək rütbəli İsrail rəsmisinə istinadən verdiyi məlumata görə, ABŞ hökumətinin danışıqların gedişini inkar etməkdə məqsədi Konqresdə sazişə səsvermədən çəkinməkdir.
- Konqresin saytında Azərbaycanla bağlı qanun layihəsi yerləşdirildi
- Rəsmi Bakı Yəmənlə bağlı mövqeyini açıqladı
- Türkiyə Ermənistanla sərhədi qismən açır
- Putin sülh sənədini qəbul edəcək: bəs, sülhü?
- Ölkədən qaçan Axundovun şirkəti kapitalını yarıya endirdi
- Uçuşlar gecikir: Ermənistanda nə baş verir?
- Ukrayna Rusiyanın Krımdakı hərbi bazasını vurdu
- Nazir Rus Evi ilə bağlı iddialara son qoydu