“Qəbələ”nin və Azərbaycan millisinin futbolçusu Emil Səfərov qəzaya düşüb.
BUTA.TV Publika.az-a istinadən xəbər verir ki, hadisə ötən gün axşam saatlarında Zaqatalanın Yengiyan kəndi ərazisində baş verib. Səfərovun idarə etdiyi VAZ-2107 markalı minik avtomobili 1995-ci il təvəllüdlü Qurban Nəsrullah oğlu Həsrətovun idarə etdyi “Niva” markalı maşınla toqquşub. Qəza nəticəsində müxtəlif dərəcəli bədən xəsarətləri alan “Niva”nın sürücüsü Q.Həsrətov Zaqatala Rayon Mərkəzi Xəstəxanasına yerləşdirilib.
Faktla bağlı Zaqatala rayon Polis Şöbəsində araşdırma aparılır.
"Qəbələ" klubunun mətbuat xidmətinin rəhbəri Anar Hacıyev Emil Səfərovun durumunun yaxşı olduğunu bildirib:
“O, heç bir xəsarət almayıb. Yaralanan şəxsin də səhhətində ciddi problem yoxdur. Hadisə ilə bağlı qanunlara uyğun olaraq hüquq-mühafizə orqanları tərəfindən araşdırma aparılıb. Ciddi qəza olmadığı üçün hər hansı məsuliyyət məsələsi yoxdur".
- Konqresin saytında Azərbaycanla bağlı qanun layihəsi yerləşdirildi
- Rəsmi Bakı Yəmənlə bağlı mövqeyini açıqladı
- Türkiyə Ermənistanla sərhədi qismən açır
- Putin sülh sənədini qəbul edəcək: bəs, sülhü?
- Ölkədən qaçan Axundovun şirkəti kapitalını yarıya endirdi
- Uçuşlar gecikir: Ermənistanda nə baş verir?
- Ukrayna Rusiyanın Krımdakı hərbi bazasını vurdu
- Nazir Rus Evi ilə bağlı iddialara son qoydu