Türkiyə ilə Ukrayna arasında qarşılıqlı fəaliyyətin bəzi aspektləri Ankaraya münaqişənin həlli prosesində tamhüquqlu vasitəçi olmağa imkan vermir.

BUTA.TV xəbər verir ki, bu sözləri TASS-a açıqlamasında Rusiya Xarici İşlər Nazirliyinin Kiyev rejiminin cinayətləri məsələləri üzrə xüsusi səfiri, Rusiya Evinin təşkilatçılığı ilə Ankarada səfərdə olan Rodion Miroşnik deyib.

“Bilirsiniz, vasitəçilik və ya sülhməramlı mövqe tutmaq istəyən tərəflər müəyyən meyarlara cavab verməlidir. Ən azından, Kiyev rejiminin təşəbbüsü ilə həyata keçirilən layihələri maliyyələşdirməməlidir. Bu nüans kifayət qədər vacibdir və Türkiyənin bir növ sülhməramlı kimi çıxış etmək istəyinə uyğun gəlmir. İqtisadi əməkdaşlıq, hərbi və ya hərbi-texniki dəstək - tərəflər arasında sülhməramlı rolu üçün qəbuledilməz amildir. Ona görə də aydındır ki, biz Türkiyənin bu cür hərəkətini təqdir edə bilmərik. Amma Türkiyə təbii ki, baş verənlərə öz baxışlarını rəhbər tutur”, - Miroşnik qeyd edib.

Eyni zamanda o bildirib ki, Rusiya Türkiyə ilə dialoq aparır:

“Rusiya xarici işlər nazirinin səfəri (Sergey Lavrov 23-24 fevralda Türkiyədə səfərdə olub – red.) göstərir ki, bizim ölkələr arasında kifayət qədər yaxın münasibətlərimiz var. Türkiyənin siyasətini tənqid etmək mənim səlahiyyətimə uyğun deyil, lakin hesab edirik ki, indi bizim tərəfimizdən irəli sürülən təkliflər (Ukrayna nizamlanması ilə bağlı) Türkiyənin milli maraqlarına xidmət edir, Türkiyə üçün daha praqmatikdir”.

Miroşnik əlavə edib ki, Moskva 3 il əvvəl həll yollarının tapılması üçün platforma təqdim etdiyi üçün Türkiyənin mövqeyini və hərəkətlərini yüksək qiymətləndirir:

“Əgər o zaman müqavilə İstanbulda imzalansaydı, ilk növbədə Ukrayna tərəfindən yüz minlərlə insanın həyatını xilas etmək olardı. İndi qoy Zelenski öz xalqına bunun niyə baş vermədiyini izah etsin".

Diplomat ümid etdiyini bildirib ki, Türkiyə ilə dialoqun davam etdirilməsi bizə qarşılıqlı məqbul həllər əldə etməyə imkan verəcək.

Qeyd edək ki, Türkiyə lideri Ərdoğan Ukrayna və Rusiya arasında danışıqlara Türkiyənin ev sahibliyi edə biləcəyini bildirmişdi.

• İlham Əliyevin Türkiyəyə səfərindən görüntülər - Video
• Tehran dəyərləndirdi: Netanyahu uğur qazandı, amma…
• İsrail rejimi dəyişmək istəyir: Bəs, İrandan nə “düzəldəcəklər”?
• Ərdoğan Əliyevə və xanımına təşəkkür etdi
• Ərdoğan “Qarabağa məktub” şeirini səsləndirdi
• "Azərbaycan məhəlləsi"nin açılış mərasimi keçirilir
• Bizim üçün Qarabağ nədirsə, Azərbaycan üçün Qəhrəmanmaraş odur
• Zaxarova Azərbaycana təşəkkür etdi